စင်္ကာပူနိုင်ငံ၊ Toa Payoh မှ ကြောင်များကို ညှင်းပန်းနှိပ်စက်သည်ဟု စွပ်စွဲတစ်နေ့တည်း ကြောင် ၄ ကောင်ကို ဓားနဲ့ထိုးthatခဲ့တဲ့ Toa Payoh က ကြောင်thatသမားကို စွဲချက်အသစ်တင်
တန်ယီဘင် (Ryan Tan Yi Bin) သည် ကြောင်တစ်ကောင်ကို thatဖြတ်မှု၊ ကြောင်လေးကောင်ကို ဓားဖြင့်ထိုးမှုနှင့် နောက်ဆုံး ကြောင်တစ်ကောင်ကို ညှင်းပန်းနှိပ်စက်မှု စသည့် စွဲချက်ခြောက်ခုဖြင့် ရင်ဆိုင်နေရသည်။
ဖြစ်စဉ်အသေးစိတ်
ပထမဆုံးဖြစ်စဉ်မှာ ၂၀၂၄ ခုနှစ်၊ အောက်တိုဘာ ၇ ရက်နေ့က ဖြစ်ပွားခဲ့ပြီး “ဖီးလ်ဖီးလ်” အမည်ရှိ ကြောင်တစ်ကောင်ကို ဓာတ်လှေကားထဲတွင် ကန်ကျောက်၊ ခေါင်းကိုနင်းပြီးနောက် အထပ် ၃၈ ထပ်မှ ပစ်ချခဲ့ခြင်းဖြစ်သည်။ ကြောင်မှာ ဒဏ်ရာများဖြင့် သေဆုံးခဲ့သည်။
၂၀၂၄ ခုနှစ်၊ စက်တင်ဘာလတွင်လည်း ကြောင်လေးကောင်ကို ဓားဖြင့်ထိုးခဲ့သည်ဟု စွပ်စွဲခံထားရသည်။ စက်တင်ဘာ ၂၁ ရက်နေ့က ကြောင်တစ်ကောင်ကို ၅ စင်တီမီတာခန့် ဒဏ်ရာရရှိအောင် ဓားဖြင့်ထိုးခဲ့ပြီး နောက်တစ်ရက်တွင် အခြားကြောင်သုံးကောင်ကိုလည်း ဓားဖြင့်အချက်များစွာထိုးခဲ့ကြောင်း သိရသည်။
နောက်ဆုံးစွဲချက်မှာ ၂၀၂၅ ခုနှစ်၊ မတ်လ ၁၃ ရက်နေ့က ဖြစ်ပွားခဲ့ပြီး တန်သည် ကြောင်တစ်ကောင်ကို အမြီးဆွဲကာ နံရံသုံးကြိမ်ဆောင့်ခဲ့ကြောင်း စွပ်စွဲခံထားရသည်။ ထို့နောက် ကြောင်ကို မြေပြင်ပေါ်သို့ ပစ်ချခဲ့ရာ ပါးစပ်နှင့် နှာခေါင်းမှ သွေးများထွက်ခဲ့သည်။ ကြောင်အသက်ရှင်ခဲ့ခြင်း ရှိ၊ မရှိကိုမူ တရားရုံးမှတ်တမ်းများတွင် ဖော်ပြထားခြင်းမရှိပေ။
ဥပဒေအရ အရေးယူမှု
တန်ကို ၂၀၂၅ ခုနှစ်၊ မတ်လ ၁၄ ရက်နေ့မှစ၍ ချုပ်နှောင်ထားပြီး အာမခံမပေးခဲ့ပေ။ ၎င်း၏အမှုကို သြဂုတ်လ ၂၀ ရက်နေ့တွင် ထပ်မံကြားနာမည်ဖြစ်သည်။ စင်္ကာပူဥပဒေအရ တိရစ္ဆာန်ညှင်းပန်းနှိပ်စက်မှုအတွက် ပထမဆုံးအကြိမ်ပြစ်မှုကျူးလွန်သူများသည် ထောင်ဒဏ် ၁၈ လအထိ သို့မဟုတ် စင်္ကာပူဒေါ်လာ ၁၅,၀၀၀ အထိ ဒဏ်ငွေချမှတ်ခံရနိုင်သည်။ ထပ်ခါတလဲလဲ ကျူးလွန်သူများသည် ထောင်ဒဏ်သုံးနှစ်အထိနှင့် ဒဏ်ငွေ စင်္ကာပူဒေါ်လာ ၃၀,၀၀၀ အထိ ချမှတ်ခံရနိုင်သည်။
